Përmirësimi i efektshmërisë së përpunimit të ullinjve dhe mbetjeve të fabrikave të ullinjve, përdorimi dhe normat mjedisore janë kthyer në objekt të punës së shoqatës së vajit të Ullirit. Një sërë takimesh me prodhues e përpunues të Vajit të Ullirit janë objekt i punës së shoqatës në qendër të cilave është organizimi i gjithë aktorëve në treg dhe njohja e tyre me zhvillimet më të fundit në gjithë aspektet. Synimi është organizimi dhe disiplinimi i tregut të vajit të ullirit si një pasuri kombëtare dhe produkt i kërkuar në treg. Janë zhvilluar disa takime në nivel qarqesh e më i fundit do të zhvillohet në Vlorë tek Salla e Konferencave në QTTB Vlorë, ditën e martë dt 29 Janar ora 9.30. Shoqata fton gjithë të intresuarit të marin pjesë në dëgjesat me diskutimet dhe propozimet e tyre.