Ne Shqiperi po evidentohet nje problem serioz ne planifikimin e investimeve ndertimore, veçanerisht ne projektet turistike te medha ne zonat bregdetare, qe lidhet me mungesen e studimeve te plota paraprake mbi nevojat per uje dhe burimet reale te furnizimit.
Uji perben nje element strategjik per çdo zhvillim turistik. Praktikat europiane kerkojne qe projektet te perfshijne studim te kerkeses per uje, analize te burimeve alternative dhe vleresim te ndikimit mbi komunitetet lokale. Mungesa e ketyre elementeve krijon presion mbi burimet ekzistuese dhe rrezikon furnizimin e popullsise lokale.
Rasti i projektit Green Coast konsiderohet nje shembull problematik i mungeses se planifikimit strategjik, veçanerisht ne aspektin e furnizimit me uje. Ne vend qe te parashikoheshin zgjidhje te qendrueshme dhe te pavarura, si impiantet e trajtimit te ujit nga deti (desalinizimi), projekti ka krijuar presion mbi burimet ekzistuese dhe komunitetet e zonave perreth, duke ndikuar negativisht ne jeten e banoreve te Tragjasit dhe Dukatit.
Per me teper, mungesa e studimeve te integruara ka sjelle pasoja edhe ne planifikimin e infrastruktures publike. Mos-hapja e tunelit te dyte, per shkak te nevojes per shtrirjen e tubacioneve te ujit, tregon qarte se mungesa e analizave paraprake dhe koordinimit institucional mund te pengoje projekte strategjike dhe te krijoje kosto shtese per zhvillimin rajonal. Ilir Pilku /Specialist Bujqesie